Доделување награди или стриптиз шоу: Гага и Сајрус се соблекоа на доделување на МТВ наградите (видео)

Нема сомнеж… Овогодинешното доделување на МТВ наградите во секој случај ќе го одбележат настапите на Лејди Гага и Мајли Сајрус.

Гага се појави облечена како чесна сестра за на крај да остане по долна облека.

На годинешното доделување на MTV видео наградите во Барклиз центарот во Бруклин, Џастин Тимберлејк со три награди беше најуспешен. Ја зема и главната награда за спот на годината и најдобра режија за Mirrors, а освои и награда за најдобра монтажа за Suit&Tie. Покрај тоа, Тимберлејк ја воодушеви публиката со враќањето на неговиот бој-бенд NSYNC со кој изведе микс од заедничките и од неговите соло песни.

Три награди освои и дуетот Макелмот и Рајан Луис за спотот Can’t hold us, кој е награден во категориите за најдобра камера и најдобар хипхоп спот, а му припадна и наградата за најдобар спот со порака.

Две награди му припаднаа на Бруно Мар – за кореографијата во спотот Treasure и за најдобар машки спот за Locked out of heaven.

Наградата за најдобро рок видео му припадна на бендот 30 Секндс Ту Марс за Up in the air, наградата за поп видео и припадна на Селена Гомез за Come and get it, а најдобриот спот во дует ја освоија Пинк и Нејт Руес за Just give me a reason.

Песна на летото е прогласена Best song ever на Уан Дирекшн, најдобри специјални ефекти има бендот Капитал ситис во видеото Safe and sound, награда освои и Тејлор Свифт за најдобар спот на женски изведувач за I knew you were trouble, додека Џанел Моне и Ерика Баду со спотот Queen добија награда за сценографија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.