Стевчо Јакимовски: Жерновски клоца тараби, а потоа вика амбасадори на помош

Мислам дека господинот Жерновски направи голема грешка што првиот ден од својот мандат го започна со клоцање на тараби, наместо да започне со позитивна енергија. Тој вели и дека ќе има предвремени парламентарни избори, а ГРОМ ќе настапи самостојно.

Ова во интервју за порталот „Фактор“ го вели градоначалникот на Општина Карпош, Стевчо Јакимовски, кој додава дека очигледно стратегијата на Жерновски е опонирање на централната власт.

-Гледаме дека во континуитет целокупната негова активност се сведува на опонирање на централната власт, што е очигледно е негова стратегија. Јас и на почетокот изјавив дека работата ќе му биде од играчка – плачка, и плачката му дојде кога му се собраа неколку илјади граѓани. Му дојдоа пред оштината и потоа напомош ги бараше амбасадорите. Не знам дали ги консултираше амбасадорите кога одлучи со клоци да урива огради, а потоа кога ја уриваат неговата ограда тогаш ги бара амбасадорите. Убеден сум дека тоа е погрешна стратегија, вели Јакимовски.

Во однос на инспекциите на кои се жали Жерновски, Јакимовски вели дека тоа му се случувало и нему, но не успеале да му најдат неисправност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.