Малку фудбал и многу црвени картони во третото коло

Хоризонт Турново останува на врвот на табелата по третото коло во македонското фудбалско првенство и покрај нерешениот исход од гостувањето во Битола. Хоризон и Пелистер одиграа интересен натпревар без голови, а најмногу работа имаше судијата кој досуди три црвени картони. Пелистерци останаа без Драгарски и Китановски, а Митрев од Турново излезе од игра десетина минути пред крај поради два жолти картони.

Со еден бод од гостувањето, Турново е на првото место на табелата со 7 бода, колку што имаат и Брегалница и Пелистер.

По црвените картони ќе се памети и натпреварот меѓу Шкендија и Металург. И овие два тима одиграа без голови, а судијата избрка по еден играч од двете страни.

Шампионот Вардар одигра нерешено со Ренова на домашен терен со Ренова. Гостите поведоа со голот на Изаир Емини во 18 минута со одличен удар од 25 метри. Вардарци израмнија преку Костовски во 39 минута. Тоа беше се што направија двете екипи во текот на целиот натпревар.

Еуромилк и Брегалница освоија по три бода на гостувањата во Ѓорче Петров и во Кичево.

Еуромилк ја победи Македонија Ѓорче Петров со 1-0, по што ѓорчепетровци и по три кола се единствената екипа без бодови, а Брегалница го доби Напредок со 2-0.

Резултати 3. коло:

Напредок – Брегалница 0-2, Македонија ЃП – Еуромилк 0-1, Шкендија – Металург 0-0, Пелистер – Турново 0-0, Гостивар – Работнички 2-0.

ТАБЕЛА: Хоризонт Т. 7 бода, Брегалница 7, Пелистер 7, Металург 5, Вардар (-1) 4, Еуромилк 4, Работнички 4, Гостивар 3, Шкендија 2, Ренова(-1) 1, Напредок 1, Македонија ЃП без бодови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.