Нашите фудбалери од понеделникот се заедно и веќе двапати тренираа, а за селекторот Чедомир Јаневски овој дуел е последен контролен пред продолжувањето на квалификациите за Светското првенство во септември.

И во септември двата дуела од квалификациите со Велс и со Шкотска ги играме на домашен терен.

Селекторот не повика нов играч на местото на повредениот Александар Тодоровски.

На последните два натпревара од квалификациите со Белгија, како и на пријателските со Шведска и со Норвешка, реализацијата беше главен проблем. Но, повиканите фудбалери, пред сѐ напаѓачите, се во добра голгетерска форма во своите екипи.

– Добро е да ја прекинеме серијата негативни резултати. Сите напаѓачи се во добра форма и постигнуваат голови. Очекувам да се оствари победа на домашен терен – истакна Јован Костовски, кој е единствениот фудбалер на списокот од домашното првенство.

Тој деновиве беше во Букурешт, каде што требаше да потпише договор со Динамо, но од тоа нема да има ништо, барем засега.

Македонија и Буграија досега имаат одиграно пет натпревари. Нашата репрезентација има една победа, Бугарија победувала трипати, а еден натпревар завршил нерешено.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.