Експлозија на подморница во Индија (видео)

Најмалку 18 морнари останале заробени во индиската подморница која експлодирала, по што била зафатена со пожар во пристаништето во градот Мумбај.

Експлозијата се случила околу полноќ, а на пожарникарите им биле потребни неколку часа за да го стават пожарот под контрола. Според официјалните лица, подморницата претрпела големи оштетувања и е делумно потоната.

– Морнарите останаа заробени на подморницата и се обидуваме да ги спасиме, а претпоставките се дека станува збор за 18 луѓе. Нема да се откажеме додека не ги извлечеме – изјави портпаролот на морнарицата на Индија.

Дел од морнарите успеале да се спасат скокајќи во морето, а други се повредени и префрлени во болница, пишуваат индиските медиуми.

Засега не е јасно што е причина за експлозијата на подморницата „INS Sinhurakshak“, но се верува дека е несреќен случај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.