Градбата на Филтер-станицата вредна 1,4 милиони евра, средства кои беа неопходни за конечно да се реши деценискииот проблем со водата за пиење во Пробиштип. Премиерот Груевски рече дека е надминат тридеценискиот проблем за околу 16 илјади жители во Пробиштип и околните места, кои со ХС „Злетовица“ и новата филтер-станица ќе имаат чиста вода за пиење, а ќе биде решен и проблемот со недостиг на вода, кој е особено изразен во летните месеци од годината.
– Ова лето жителите на регионот од Пробиштип за првпат после долго време, после генерации и генерации на граѓани ќе имаат нормален доток на вода, чиста и питка вода за пиење и нормални услови за живот како што секој заслужува, рече Груевски.
Станицата е изградена со пари обезбедени преку донација од словенечката Влада односно 480 илјади евра, 800 илјади евра се кредит од Jапонската агенција „Џајка“, а остатокот се сопствени средства од буџетот на Општината.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
