Роже Федерер игра како почетник со новиот рекет, кој има поголем обем во основата, а прилагодувањето оди тешко. Најтрофејниот активен тенисер на планетата попладнево загуби со 0-2 во сетови од Даниел Брандс и ги заврши настапите на турнирот во Гштад. Швајцарија. Германецот ја искористи конфузијата во играта на Федерер и славеше со 6-3, 6-4. Интересно токму против Брандс, Роже го играше првиот меч со новиот рекет и тогаш едвај победи со 2-1 во сетови.
Сега немаше рецепт за победа, а за утеха ќе му остане кравата што организаторите на турнирот и негови сонародници му ја подарија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
