Убиецот на бугарската новинарка пред својата мајка го признал убиството (видео)

Мајката на 20 годишниот Бугарин, уапсен во Германија поради убиството на бугарската новинарка Викторија Маринова,
изјавила дека нејзиниот син и признал дека е виновен.

„Призна дека тоа го направил додека бил пијан и многу дрогиран“, му рекла Надежда Красимирова на бугарски новинар во Германија каде живее. Таа додала дека нејзиниот син признал и почнал да плаче пред неа.

„Тој не е таков, не можам тоа да го разберам“, додала таа.

Бугарските обвинители го обвинија Северин Красимиров во отсуство за силување и убиство на новинарката и побараа негово испорачување од Германија.

Телот на 30 годишната Маринова, водителка на емисија за регионални настани на локална телевизија, е најдено во саботата во паркот во близина на дунавското пристаниште во Русе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.