ВМРО-ДПМНЕ: Пендаровски го повикува на референдум народот што го нарекуваше стока

Стево Пендаровски без срам и перде им говори на граѓаните за евроатланска интеграција кога неговите пријатели од Владата на Заев прават невиден грабеж на својот народ и својата нација, реагираат од ВМРО-ДПМНЕ, откако Пендаровски ги повика граѓаните да се изјаснат на претстојниот референдум.

„Пендаровски со кој образ му се обраќа на својот народ и го повикува на референдум кога пред 4 години ги нарекуваше стока, а потоа и овци. Од екипата која ја преставува Пендаровски можеме да видиме само неспособност и антидржавно однесување. Единствено за кое се способни организирано да го прават е да вршат манипулирање, лажење и крадење на својот народ и својата држава“, стои во соопштението.

Од опозициската партија посочуваат дека Пендаровски и власта секој ден го слушаат, како што велат, гласното „не“ од народот за нивните погрешни и штетни политики.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.