Mилан Ст. Протиќ ја запали српската јавност: Трампата на Милошевиќ за Косово ја расипа Коштуница

Mилан Ст. Протиќ, некогашен амбасадор на СРЈ во САД, тврди дека Србија имала голема шанса со испорачувањето на Милошевиќ на Хашкиот трибунал да го реши и косовското прашање.

Еден од првенците на ДОС открива дека ваква трампа можела свовремено да издејствува со Џорџ Буш, тогаш новиот американски претседател, но тогашниот претседател на СРЈ Војислав Коштуница веднаш се откажал од таа идеја.

“Постоеше шанса во 2001 година да се договориме со американската администрација, со американскиот претседател Буш и државниот секретар Пауел. Мојата идеја се заосноваше на тоа да го испорачаме Милошевиќ и да добиеме договор со Косово. Сметав дека тоа е морално оправдано, затоа што тој беше одговорен за Косово. Предлагав дури и да одиме кај Милошевиќ во затвор и да му кажеме отворено дека тој оди во Хаг за да го решиме проблемот со Косово”, вели Протиќ во интервјуто за српски “Неделник”.

Kako што вели, Коштуница бил против, а премиерот Зоран Џинџиќ недоверлив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.