Села: Владата не заслужува преодна оценка

Претседателот на Алијанса за Албанците, Зијадин Села смета дека Владата на Заев на својата прва годишнина не заслужува преодна оценка. Во емисијата „200“ која се емитува на АЛСАТ-М, Села изјави дека ќе се сретне со новото раководство на ВМРО-ДПМНЕ, но само доколку тие лично му се извинат.

– Ова во очи сум му го кажал и на премиерот за време на интерпелацијата. Околу него пак се собрале личности и политичари кои делуваат според логиката „Кралот е мртов“- “Да живее кралот“ и секако врз основа на ова што го кажав, ова влада не може да има преодна оценка. Има стотици милиони евра, се инвестираат над 200 милиони евра за патна инфраструктура само во источниот регион, а продолжува празната и лажната пропаганда на ДУИ за 12-13 километри пат кој треба да ги спои Македонија со автопат до Блаце, до границата. Голема лага е тоа. Исто како што се и граничните премини во Миратовац што со години се спомнуваат и кои веќе се претворени во нереализирано нешто, бидејќи проектите за овој автопат ќе почнат во 2019 година, во јуни 2019. Пред 2020 година нема да се направи ниедна работа – изјави Зијадин Села, претседател на Алијанса за Албанците за „АЛСАТ-М“ телевизија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.