Децата со „исклучителни биографии“: Со какво образование се вработени во ЕЛЕМ ќерката на Џафери и синот на Грчев?

Децата на функционерите Талат Џафери и Мирослав Грчев, во државната компанија ЕЛЕМ биле вработени без соодветно образование, покажуваат М1/М2 образците за нивното вработување, објавува порталот „Лидер“.

Како што претходно објави „Лидер“ децата на Џафери и Грчев се вработиле во ЕЛЕМ на позициите правник и инженер за животна средина, но според новите податоци, тие воопшто не се квалификувани за овие позиции, затоа што во образците за нивното вработување, до кои стигнал „Лидер“, воопшто не е наведено образованието барано за овие функции.

Во ЕЛЕМ, Бесија Џафери, ќерка на претседателот Талат Џафери е вработена со средно стручно образование, матурант од гимназија.

Од друга страна, Димитар Грчев, син на архитектот и советник во Министерството за Култура, Мирослав Грчев, е вработен без во образецот да му биде наведено било какво образование. Младиот Грчев, ќе биде инженер без за тоа да прикаже диплома за било какво образование.

Претходно, претседателот на Собранието, Талат Џафетри, во емисијата Топ Тема изјави дека неговата ќерка ги исполнила сите услови за да биде вработена во ЕЛЕМ, на позицијата правник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.