Местото каде е пронајдена мртва младата македонска актерка Шабани (Видео)

Македонската актерка Адеа Шабани, која исчезна пред повеќе од еден месец и за која за нејзиното пронаоѓање или било каква информација полицијата понуди и 25.000 долари, е пронајдена мртва.

Во плитка гробница на околу 80 километри од Сакраменто, Јужна Калифорнија, е пронајдено женско тело за кое се верува дека е на македонската актерка Адеа Шабани која исчезна пред повеќе од еден месец, јавуваат американските медиуми.

Локалниот шериф во местото Ел Чико во Невада, Лос Анџелес вчера беше на лице место заедно се полициските единици на Лос Анџелес. Од полицијата изјавија дека детективите веруваат дека станува збор за телото на 25-годишната актерка, но поради состојата во кое е пронајдено не може стопроцентно да тврди дека се во право. Процесот на идентификација трае неколку денови.

Шабани последен пат била видена жива на 23 февруари околу 11 часот, помеѓу булеварот Холивуд и авенијата Френклин, во близина на нејзиниот дом. По исчезнувањето во САД заминаа и нејзините родители, каде ангажираа и приватен детектив.

Викендов, пак, момчето на Шавани, 33-годишниот Крис Споц изврши самоубиство пукајќи си во глава откако претходно бегаше од полицијата.

Неговото име се поврзува со исчезнувањето на македонската актерка бидејќи како што пишуваа дел од американските медиуми, наводно постоел сведок кој видел како Шабани била насилно турната во багажникот на автомобилот на Крис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.