Словачките власти повторно уапсија италијански бизнисмен, осомничен за убиството на истражен новинар и неговата свршеница, пренесоа американските медиуми, повикувајќи се на јавното обвинителство.
Антонио Вадала е уапсен утрово во градот Михаловце. Притворот е спроведен по барање на италијански суд, кој издал европска потерница за апсење на бизнисменот поради поврзано со дрога злосторство. Италија сака тој да биде екстрадиран.
Вадала беше еден од седумтемина Италијанци, приведени како осомничени за убиството на Јан Куциак и Мартина Кушнирова. Новинарот и свршеницата беа пронајдени застрелани во нивниот дом на 25 февруари.
Во последниот, недовршен материјал Куциак пишувал за врските меѓу Вадала, за кого се тврди дека е дел од италијанска криминална организација, и луѓе блиски до словачкиот премиер Роберт Фицо.
Убиството на новинарот и неговата свршеница предизвика политичка криза што се закануваше на коалиционата влада на Фицо.
Опозицијата побара гласање за недоверба на владата, а гласањето е закажано за следниот понеделник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Ужасно е да се носи облека на човек кого го убивме пред 20 минути-oвој детал доведе до разоткривање на бруталното убиство на Кашоги
-
Објавени нови детали за убиството на Кашоги: Само некој кој зема хероин би го направил тоа
-
Убиство во семејство со македонско потекло во Швајцарија
-
Американски рапер убиен во престрелка
