Фудбалерите на Наполи синоќа го оправдаа статусот на фаворит и славеа над Калјари со 5-0 на гостувањето во Сардинија и сега имаат четири бода предност пред Јувентус во борбата за пехарот во Серија А.
Овој нов триумф на наполитанците беше доволен Лоренцо Инсиње да испрати една јасна порака дека се повеќе и повеќе веруваат во освојување на Скудетото, пехар кој се чека во Неапол уште од сезоната 1989-1990.
– Имавме добар натпревар, ова е важен резултат. Ние сме на врвот, се е во наши раце. Мораме да ги добиеме преостанатите мечеви. Јуве нема да се предаде, но ние покажавме дека имаме одличен карактер и големо срце. Никого не ставаме под притисок, играме како секој меч да ни е финале. Се надеваме ќе бидеме наградени на крајот на сезоната, рече Инсиње.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
