Студениот воздух од Сибир ќе пристигне следната недела во Велика Британија и може да го донесе најстуденото време во последните 5 години во оваа земја, а исто така се очекува и големи врнежи.
Бурата од Арктикот која е наречена “ѕверот од исток”, ќе донесе екстремно ниски температури во неделата вечер, во некои области до минус осум степени Целзиусови.
-Не сме имале толку ниски температури во овој дел од годината од 2013 година, но ова е невообичаено, особено што е доста доцна во сезоната. Пролетта ќе биде одложена со оваа бура, бидејќи на 1 март мразот ќе биде само на половина пат низ студениот бран – велат британските метролози.
Во текот на денот во понеделникот се очекува температура околу нула во поголемиот дел од континентот, додека само Северна Ирска ќе го избегне студениот бран. Снегот се очекува главно во источните региони и веројатно ќе се акумулира во некои делови.
Британскиот лекар, Томас Вајт, ги предупреди граѓаните дека мразот може да има сериозни последици за здравјето на луѓето.
-Со деновите кои сега се малку подолги и посветли, лесно се заборава дека ладното време може да убие- рече д-р Вајт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
