Трибина посветена на македонската литература за деца и млади денеска ќе се одржи на Универзитетот за аудиовизуелни уметности ЕФТА-Скопје-Париз-Есен-Ротердам.
На трибината, која ќе ја води Христо Петрески, свои излагања ќе имаат Раде Силјан, Мито Спасевски, Весна Мојсова-Чепишевска, Виолета Димова, Елизабета Ралповска, Трајче Кацаров, Ели Маказлиева и други писатели.
Ќе се разговара за состојбата со македонската литература за деца и млади, за темите и мотивите, поврзаноста со уметноста, творечката и креативна обнова, фестивалите и манифестациите, недоволната критичка мисла, афирмацијата и презентацијата.
Трибината ја организираат Издавачката куќа „Феникс“ и Фондацијата „Македонија презент“ од Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
