ДПМ утре ќе ги соопшти добитниците на годишните награди

Утре (четврток) во 12 часот, на конференција за новинарите, Друштвото на писателите на Македонија ќе ги соопшти добитниците на наградите за најуспешни книжевни дела во 2017 година.

Пртседателите на жири комисиите ќе ги соопштат одлуките и образложенијата за книгите чии автори ги добија наградите: „Ацо Шопов“ за поезија, „Стале Попов“ за проза, „Димитар Митрев“ за критика и есеистика, „Ванчо Николески“ за книга за деца, и „Книжевен мост“  за најдобра книга напишана на еден од јазиците на националностите. На средбата со новинарите ќе присуствуваат и добитниците на наградите.

На конкурсот на ДПМ пристигнаа 76 дела од сите жанрови. Одлуките за најуспешните остварувања ги донесоа жири комисии составени од 15 истакнати писатели, универзитески професори, научни работници, критичари и есеисти: Весна Мојсова Чепишевска, Венко Андоновски,  Милован Стефановски, Ресул Шабани, Маја Јакимовска Тошиќ, Стојан Тарапуза, Лилјана Пандева, Иван Чаповски, Наташа Аврамовска, Кочо Топузоски, Делвина Керлуку, Василе Димески, Јусуф Едип, Олга Арбулјевска и Александар Кујунџиски.

Наградите ќе бидат врачени на 13 февруари, на свеченоста по повод  одбележувањето на 71-та годишнина од основањето на Друштвото на писателите на Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.