Македонците оптимисти: Очекуваат економски простперитет во 2018 година

Македонците се оптимисти во однос на економскиот просперитет во 2018-та, поголемиот број се надеваат на подобра година, а се чувствуваат и посреќни од поголемиот дел испитаници во другите држави во светот, покажува најновиот Глобален барометар на Брима Галуп.

– Како и претходната година, така и оваа, испитаниците во Македонија покажуваат големи очекувања за следната 2018-та кога е во прашање економскиот просперитет што се повисоки од светскиот просек. Вкупно 36 отсто од македонските граѓани очекуваат 2018 година да биде со економски просперитет, 24 проценти сметаат дека годината ќе биде со економска потешкотија, а 34 отсто дека нема да има промени, стои во Извештајот.

На прашањето „Дали сметате дека 2018 година ќе биде подобра, полоѓа или иста од 2017 година?“, 46 отсто изјавиле дека очекуваат следната година да биде подобра, 18 проценти да биде полошо а 31 отсто очекуваат да нема промени. Нето резултатот изнесува +28 отсто што е значително повисок од минатата година кој изнесуваше +18 проценти.

-Нето резултатот за среќа во Македонија изнесува +56 отсто што е повисок од светскиот просек, +15 проценто. На прашањето „Дали лично се чувствувате многу среќно, среќно, ниту среќно ниту несреќни, несрќно или многу несреќно во животот?“, 13 отсто од македонските испитаници изнавиле дека се чувствуваат многу среќно, 48 проценти се чувствуваат среќно, 30 отсто ниту среќно ниту несреќно, а шест проценти, т.е еден отсто несреќно и многу несреќнии, наведува Брима Галуп.

На светско ниво, граѓаните очекуваат економски потешка година или, како што стои во извештајот, економскиот песимизам конечно „победи”.

Надежта, пак, е пораспространета од безнадежноста, но со опаѓачки тренд во однос на претходната година, додека околу две третини или 59 отсто од испитаниците во светот се изјаснуваат како среќни.

Во регионот, Албанците се најоптимистични за економскиот просперитет, но имаат и најмногу надеж за подобра година, додека најпесимистични се Грците. Во однос на среќата, сите се на т.н. позитивна оска. Предничи Косово со 62 отсто од испитаниците, а последна е Грција со 21 процент.

За истражувањето на Брима Галуп се интервјуирани 53.769 лица на глобално ниво. Во секоја земја националниот примерок опфаќа околу 1.000 мажи и жени кои беа интервјуирани лице в лице, преку телефон или он-лајн. Теренската работа е спроведена во текот на ноември – декември 2017 година. Севкупната маргина на грешка изнесува три до пет отсто.

Во Македонија е спроведена теренска анкета, лице в лице, во домот на испитаникот, на репрезентативен примерок со 1.210 испитаници постари од 15 години, во периодот 21 ноември – 01 декември 2017, со маргина на грешка од +/- три отсто.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.