Реал нуди вистинско богатство, Роналдо калкулира

Реал Мадрид е црвсто решен да го задржи Кристијано Роналдо, а најновата понуда од 15 милиони евра нето-плата по сезона е неверојатно галантна и би го направила Португалецот најплатен фудбалер на денешницата. Или, преведено, според шпански закони каде што данокот на ваков вид луксузни суми е над 50 проценти, тоа би значело дека Реал би плаќал нешто повеќ од 30 милиони по сезона. Реал сака да го задржи Роналдо до 2018 година, а му нуди и дополнителни бонуси за освојување титули, што ја крева цената на огромна вкупна сума што би била приближно некаде околу 160-170 милиони евра.

Португалецот во таков случај, ако прифати да остане во Реал, ќе заработува повеќе пари и од Лео Меси (13 милиони евра), па и од Фалкао, кому, според договорот со Монако, му се загарантирани 14 милиони евра годишно. На врвот на листата останува Самуел Ето со плата од 20 милиони евра по сезона во рускиот Анжи.

Проблем претставува поделбата на приходите од правата на Кристијано, која во моментов изнесува 60 проценти за фудбалерот и 40 проценти за клубот. Раководството на Реал смета дека со ваквата понуда за плата би требало да добие барем уште десет проценти и овие приходи во иднина да се делат 50-50, но и двете страни тврдат дека наскоро би требало да биде потпишан нов договор, со што Кристијано Роналдо и, дефинитивно, ќе стави крај на сите дилеми за тоа каде ќе ја продолжи својата кариера.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.