Шарапова осудена седум години во затвор за измама во Индија

Марија Шарапова се врати на терените по допинг-скандалот, но руската тенисерка сега се соочува со уште посериозни обвиненија во Индија, каде и се заканува затворска казна во времетраење од седум години, пишува Екипа.мк

Тенисерката се наоѓа на удар поради измама со недвижнини, откако нејзиното име се поврзува со проект за изградба на луксузни куќи што требаше да финишира во 2016 година, но никогаш не беше ни започнат. Проектот дури и го носеше името „Балет Шарапова“, а Русинката во 2013 година и самата допатувала во Гургаон за промоција на истиот.

Откако било утврдено дека станува збор за измама, Владата на Индија покренала истрага поради прекршување на Членот 420 од Кривичниот Законик, а се подготвуваат обвиненија за неколку компании, директори, како и за самата Шарапова.

Според индиските медиуми, за делата за кои ќе биде обвинета руската тенисерка се предвидува максимална затворска казна од седум години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.