Димитар повторно вљубен (ВИДЕО)

„Месечина“, последната песна на Димитар Андоновски, која ја промовираше неодамна, си доби и видеоспот. Снимен на неколку локации во Скопје и во Демир Капија, а посебен дел и во винарницата „Попова кула“. И овојпат за видеото се погрижи веќе проверениот тим на „Горила продукција“, под водство на режисерот Владимир Дади Ивановски.

Песната, во латино ритам и богата со инструменти, за ексклузивецот на „Горила продукција“ ја создаде тандемот Цветкоски. Познатиот продуцент Лазар Цветкоски се погрижи за музиката и за аранжманот, а текстот го напиша неговата сестра, популарната пејачка и текстописец Магдалена Ена Цветкоска.

„Месечина“ е една од повеќето нови песни што ќе се најдат на првиот и долгоочекуван албум на Димитар. Албумот ќе биде промовиран на 6 септември, токму на денот на неговиот родененден, како подарок за своите фанови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.