Истражување на НАСА: Дубровник ќе биде потопен поради глобалното затоплување

Научниците во „формулата“ го ставаат ефектот на гравитацијата на Земјата и нејзината ротација за да се предвиди како водата ќе се „редистрибуира“ во дел од светот.

НАСА направи нова алатка за предвидување кои градови ќе бидат потопени поради топење на мразот предизвикан од глобалното затоплување, објави Ивнинг Стандард.

Таа алатка откри дека Лондон е меѓу градовите кои ќе бидат зафатени поради топење на ледот на Гренланд. Од иста причина би можел да биде потопен и Дубровник, се вели во документите кои го следат истражувањето.

– Алатката за секој град дава јасна слика каде глечерите се од посебна важност, рече за Би-Би-Си еден од научниците кои учествувал во истражувањето.

Истражувањето покажа дека топењето на големите ледени површини на западниот дел на Гренланд во Европа може да влијае на Лондон, Дубровник и Тромсо, Осло, Атина, Сиракуза, Марсеј, Гибралтар и Брест.

Податоците на научниците покажуваат дека топењето на глечерите има влијание врз зголемувањето на нивото на морето во текот на 20 век, а во 21 век тоа влијание се повеќе се зголеми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.