-За нас како Македонија најважен е континуитетот, но еве ќе кажам сега, нашата главна цел е пласман на СП во Катар и обезбедување пласман на Олимписките игри во Рио. Ќе се обидеме да направиме што подобар резултат и да обезбедиме пласман на Мундијалот во Катар што би било круна на оваа генерација. Што се однесува до дуелот со Португалија мислам дека непотребно на моменти се доведовме во тешка ситуација бидејќи имавме голема предност. Но, сето тоа е од брзање бидејќи сите ние сакавме победа. Се добро се заврши и се се заборава и се разбира се надевам на успех во Данска, изјави Кире Лазаров веднаш по победата во денешниот ракометен меч против Португалија, со која нашите ракометари се пласираа на ЕП во Данска.
Голманот Борко Ристовски, еден од најзаслужните за победата изјави:
-Најнапред би сакал да им честитам на Португалците, кои се прикажаа во едно светло што го очекувавме. Можеби јавноста очекуваше лесна победа, можеби резултатот го кажува тоа, но на теренот не беше баш така бидејќи против себе имавме силен ривал. Дел од играчите влечевме ситни повреди, но кога се ќе се собере ова е една голема победа за Македонија, остварена под тешки услови, јас би додал дека се надевам дека еден ден јавноста ќе ја дознае целата вистина за и околу лажните патриоти.
Ивица Обрван хрватскиот стручњак успеа да го оствари она што се очекуваше од него – ја одведе Македонија на ЕП 2014 во Данска.
-Им честитам на моите играчи за беспоштедната борба без оглед на фактот дека беа преморени по напорната сезона. Беше тешко да се игра под притисок, но би им честитал и на навивачите кои ни дадоа поддршка во моментите кога имавме мала криза. На овој меч, како и на оној во Цирих, покажавме дека имаме карактер и дека заслужено има место за нас меѓу најдобрите 16 селекции во Европа. Оваа победа ни ја донесе победата предводена од Борко, кој имаше голем број значајни интервенции – истакна Обрван.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
