Детели за несреќата на кружната трка во Скопје: Двајца задржани во болница, едно лице се фрлило од возилото (Видео)

Вчера во 15.00 часот на Меѓународниот кружен натпревар во автомобилизам „СКОПЈЕ 2017“ што се одржа на бул. „Гоце Делчев“ во Скопје, се случи сообраќајна незгода во која учесникот У.Б. (30) од Белград, Република Србија, управувајќи патничко возило „Хонда Цивик“, изгубил контрола над возилото, по што со предниот десен дел удрил во десниот рабник од булеварот, излегол на десната страна надвор од коловозот, по што удрил во лицето А.Д. (58) од Скопје.

Откако удрило во А.Д., возилото удрило во метална канделабра за осветлување на коловозот, како и во поставено рекламно пано. На местото на несреќата бил и М.Б. (32) од Белград, Република Србија. Тој, кога забележал дека возилото „Хонда Цивик“ излегло надвор од коловозот, за да избегне удар од возилото се фрлил во тревата.

Од незгодата, со тешки телесни повреди се здобил А.Д., а со телесни повреди се здобиле возачот У.Б. и лицето М.Б.. Тие со возило на Итна медицинска помош биле пренесени во Градската општа болница „Св.Наум Охридски“ каде им била укажана лекарска помош.

По барање на нивни роднини, сите тројца биле пренесени во приватна болница за понатамошно укажување лекарска помош. Поради природата на повредите, А.Д. бил задржан на понатамошно лекување на Одделението за интезивно лекување, а У.Б. по укажаната лекарска помош бил задржан на понатамошно лекување во болницата, а М.Б. бил пуштен на домашно лекување.

Увид на местото на настанот извршила увидна екипа од СВР Скопје. По наредба на Јавен обвинител, од возачот У.Б. била земена крв за анализа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.