Христо Стоичков: Таа е виновна за ужасот во Каталонија (Видео)

Легендарниот фудбалер на Барселона, Христо Стоичков, прекарот „Ел Пистолеро“ го доби поради неверојатните настапи, но и неверојатните изјави во медиумите.

Стоичков за Барселона настапуваше шест години и ги освои сите индивидуални и тимски трофеи, но и срцата на навивачите.

Клучниот човек на „дрим тимот“ на Кројф кој во првата половина на деведесетите години четири пати во низа ја освојуваше шампионската титулата и за прв пат на Барселона и ја донесе титулата европски шампион во тоа време играше толку добро што и ја освои „Златната топка“. Откако помина пет години во Барселона премина во Парма, но потоа повторно се врати на „Ноу Камп“.

Поради сето тоа не треба да се истакнува на која страна е темпераментниот Христо во актуелната борба на Каталонија за независност.

Поранешниот фудбалер на Барселона зборуваше во програмата „Univison Deportes“ и потсети дека тој во 1992 година освојувањето на Лигата на шампионите на „Вембли“ го славел со каталонско знаме.

„Сликите кои ги видов од Каталонија се ужасни. Вие не смеете да испраќате вооружени полицајци да го тепаат кутриот народ, треба да се зарсамите“, порача Стоичков.

Потоа неочекувано тој ја нападна Марија Сорај Саенз, потпретседателката на владата која многумина ја нарекуваат „најмоќната жена во земјата“.

Стоичков го подигна таблетот и изјави: „Таа е виновна за сцените кои ги гледаме во на улиците во Каталонија. Ве замолувам да ја смените“, зборуваше Стоичков.

VÍDEO Hristo Stoichkov demana la dimissió de Soraya Sáenz de Santamaría https://t.co/Yn8d69LEMq #vagaND pic.twitter.com/O8NPvaNroF

— NacióDigital (@naciodigital) October 3, 2017

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.