Тројца застрелани во вооружениот напад во Кичево: Пукано во независниот кандидат за градоначалник Алит Aбази?! (Видео)

Вечерва во Кичево бил извршен напад со огнено оружје врз независниот кандидат Алит Абази и неговиот шеф на изборниот штаб Дестан Абдиу, јави Алсат-М. Според нивни информациите тие се ранети.

За инцидентот пак, од МВР за МИА информирале дека А.А. роден 1959 година околу 18:45 минути на булеварот „Ослободување“ ги пресретнал и пукал врз Д.А. (1959), А.А. (1977) и Ш.Д. (1963), тројцата од Кичево.

Д.А. има повреди на бутот на десната нога, А.А. е погоден во слабината, а Ш.Д. во десната потколеница. Д.А. и А.А. поради сериозноста на повредите со возила на брза помош се упатени кон скопските клиники, а Ш.Д. е пренесен во кичевската болница.

Полицијата веднаш по инцидентот го привела напаѓачот А.А. Според првичните сознанија, мотив за нападот се меѓусебни нерасчистени недоразбирања за кои се водела и судска постапка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.