Расте тимот Центар: Поддршка за Јовановски и од Емил Рајковиќ (Видео)

Македонецот избран за најдобар тренер во Полска, Емил Рајковиќ му даде поддршка на Дејан Јовановски, кандидат за градоначалник на општина Центар од ВМРО-ДПМНЕ.

– Бидејќи сум роден и растен во Центар, позади Универзална сала, и поголем дел од својот живот го поминав во Градски парк со КК Работнички, а не сум приврзан со ниту една политичка партија, мислам дека имам право да го кажам своето мислење за кандидатурата на Дејан Јовановски за градоначалник на општината. Познавајќи го уште од играчките денови, од крајот на ’90 години па се до денес, можам да кажам дека Дејан Јовановски покрај тоа што е класичен пример за човек, господин од Центар кој природно го знае секој дел од општината, а со тоа и потребите на граѓаните, тој е семеен човек кој својот материјален капитал во животот го стекнал чесно како успешен македонски кошаркар, интернационалец. Како дипломиран правник со искуство на повеќе различни институции досега го има покажано својот лидерски карактер, организациска способност за менаџирање, исклучителна мотивираност за работа и чесност кон сите со кои соработува, вели Рајковиќ.

Македонецот избран за најдобар тренер во Полска со сигурност тврди дека Јовановски не е уште еден политичар кој ќе сака преку функцијата да стекне лична корист.

– Кај Дејан се најважни моралните вредности и етиката, а не материјалните вредности и затоа знам дека ќе работи максимално посветено у неуморно за да го подобри живеењето на сите жители на Центар, вели Рајковиќ кој ги повика жителите од оваа општина да гласаат за Јовановски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.