Придружете ни се во тимот Центар, да ја направиме општината наша гордост (Видео)

Со огромна мотивација и енергија одлучив да влезам во нов предизвик на следните локални избори, вели кандидатор за градоначалник на општина Центар, кошаркарот Дејан Јовановски во своето обраќање до своите сограѓани.

– Денес го формирам новиот ТИМ ЦЕНТАР во кој се добредојдени сите луѓе кои што ја сакаат, живеат, и и’ мислат добро на општината Центар. Тимот Центар има визии и план од општината да создаде место со многу нови содржини, со нови велосипедски патеки, повеќе зеленило, уредени пешачки зони, ислови кои ќе овозможат подобро урбано растење и живеење, рече Јовановски.

Во деновите што следат, нагласи тој, ќе го поминат секоја агол на Центар, ќе зборуваат за плановите, ќе слушаат за проблемите и потребите, а се со цел да ја унапредат нивната средина и да ја направат општината пофункционална.

– Јас сум работлив и упорен човек, совесен и одговорен во својата работа, со искуство во работење и раководење на јавни институции. Ја имаме и најдобрата програма која е подготвена за Центар, со граѓански карактер и шмек. Почитувани соседи, пријатели и сограѓани, јас сум дејан Јовановски, придружете ни се во тимот Центар да ја направиме нашата општина да биде наша гордост.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.