Фудбалерот на Шапекоенсе кој ја преживеа авионската несреќа на голема врата се врати во фудбалот: Даде гол во Рим

Фудбалерите на Рома славеа 4:1 на пријателска средба против бразилскиот тим, а честитките на сите актери на терен отидоа кај Алан Рушел кој по гостувањето на Камп Ноу, имаше незаборавна ноќ на Олимпико.

Алан Рушел е еден од тројцата преживеани фудбалери во авионската несреќа на Шапекоенсе во која лани на 28 ноември загинаа 71 патник. Тој беше на само два милиметри од тоа да остане парализиран и од тогаш чудесно закрепна и му се врати на фудбалот.

Рома имаше предност од 4:0, а моментот кој привлече најголемо внимание на средбата се случи во 55-та минута кога Рушел постигна гол и доби честитки и од голманот на Рома, Богдан Лобон. Во неговата глава се измешани многу чувства, а по постигнувањето на голот очекувано погледна накај небото.

Овој пријателски натпревар беше за да се помогне во континуираното одржување и обвновување на Шакепоенсе по катастрофалната авионска несреќа. Следната цел на Рушел е да му помогне на својот тим да ја избегнат зоната за испаѓање во бразилското првенство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.