Триесет мртви во Индија по пресуда на верски лидер за силување

Најмалку триесет лица се мртви по немирите кои се избувнаа вчера во две држави во северна Индија откако Судот пресуди дека верскиот гуру Рам Рахим Синх е виновен по обвиненијатаа за силување на две од неговите следбенички.

Индиската армија вчера пристигна во радот Панчкула кратко откако Судот пресуди дека Рахим Синх е виновен. Самопрогласениот „човек на Бога“ и лидер на сектата „Дера Сача Сауда“ беше однесен во притвор, а во понеделник по формалното читање на пресудата се очекува да биде префрлен во државниот затвор во државатта Харуана.

Властите во Индија потврдија дека до вчера вечер билансот е најмалку триесет мртви и 250 повредени во немирите. Во делови на Харуана и Пинџаб прекината е кабловската телевизија и интернетот откако 200,000 членови на сектата ги поведоа демонстрациите кои потоа прераснаа во насилства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.