ВМРО-ДПМНЕ: Владата не ги исполнува ветувањата и ги задолжува граѓаните

ВМРО-ДПМНЕ денеска преку соопштение обвини дека Владата на СДСМ не ги исполнила ветувањата дадени пред граѓаните, а единствено успеала да ја задолжи државата.

Во соопштението се наведува дека министерот за финансии секој ден распишува аукции на државни хартии од вредност, а граѓаните немаат никаков бенефит од тоа.

– Граѓаните од оваа влада за неполни 3 месеци од реформи видоа само долгови. Министерот за задолжување Тевдовски досега ја има задолжено Република Македонија со 334 милиони евра, по основ на повлечени пари од девизните резерви и издадени државни хартии од вредност. Волшебниците од СДС, за овие 80-тина дена на дневно ниво ја задолжуваат државата за речиси 4.175.000 евра, пишува ВМРО-ДПМНЕ.

Оттаму посочуваат дека граѓаните имаат право да знаат каде одат нивните пари и зошто државата се задолжува со толкави суми на пари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.