МВР ги прегледува видео материјалите од протестите пред општина Центар – ќе има пријави

Министерството за внатрешни работи ги прегледува видеоматеријалите од протестите пред Општина Центар, каде што двапати беше нарушен јавниот ред и мир, дознава „Република“ од извори во МВР.

Покрај извештаите на присутните полициски претставници, на одлуката за тоа кој ќе добие кривични или прекршочни пријави ќе влијаат видеоснимките направени од страна на полициски службеници кои цело време го снимаат настанот, но и од видеоснимките што се емитувани на телевизиите и на интернет-порталите.

Овие материјали подоцна треба да бидат употребени и на евентуалното судење. Сѐ уште нема никаква информација колкумина прекршители на законот ќе бидат гонети во случајот „Општина Центар“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.