Роман Абрамович објави вчера дека се разведува од третата сопруга, Даша Жукова, а денес се открива и како почнала кавгата кој го предизвика најскапиот развод во историјата.
Причина е остров во центарот на Санкт Петербург, кој го купил Роман за 360 милиони фунти.
Островот Њу Холанд, кој е одделен од историскиот дел на градот со три канали стана сопственост на Абрамович, кој планирал да го претвори во туристичка атркација. Арно ама тука запнала работата – проблемот излегол од деталите. Роман планирал да изгради мини Европа на островот, а Даша си го замилувала како Ибица во Русија
-Даша сакаше диско на отворено акко на Ибица, а Роман сакаше културно средиште со ресторани, да личи на мала Европа. Тоа и го направи на крајот, но се испокараа за тоа во јавност, и тоа 3-4 пати, открива претприемачот Антон Вуим, пријател на Абрамовичи.
Тој тврди дека живееле разделено уште од минатиот Божик. Празниците 36-годишната Даша ги поминала со богатажи во Хамптонс, а 50-годишниот Роман бил сам во Русија.
Во Москва се полемизира дали Роман веќе ја исплатил поранешната сопруга или руската јавност допрва ќе се забавува со еден од најскапите разводи во историјата.
Богатството на Абрамович се проценува на 7 милијарди фунти. Руската блогерка Елена Миро објави дека Роман и Даша се развеле во тајност уште во мај, а адвокатот Дмитри Голоболев проценува дека Даша би можела да добие 200-300 милиони долари во текот на разводот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
