Летна во воздух ресторан во Албанија, над 20 повредени (ФОТО+ВИДЕО)

Меѓу 20 и 30 лица се повредени при експлозија на гас во еден ресторан во туристичката населба Велипоја во северозападниот дел на Албанија.

Според болнички извори, петмина од жртвите се задобиле со посериозни повреди.

Како што јавија албанските медоими, експлозијата се случила во кујната на ресторанот, кој се наоѓал на првиот кат на еден хотелски комплекс.

По експлозијата во објектот избувнал пожар, во чие гаснење учествувале локални пожарникари и поголем број доброволци.

Поради пожарот биле евакуирани гостите во хотелот, како и дел од жителите на околните куќи.

Велипоја е едно од најпознатите туристички дестинации во северна Албанија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.