Лозано со видеоспот за неговиот најнов хит (видео)

„Ова лето ќе се памти“ – е најновиот летен хит на Влатко Лозаноски. Песната е веќе неколку недели на врвот од топ-листите на радиостаниците низ земјава. Лозано и овој пат не го промени тимот на соработници. Како автори на оваа песна се потпишува братско-сестринскиот тандем – Лазар и Магдалена Цветковски. Не за бадијала велат: Тимот кој што победува, не се менува…

– Секое лето се памти по нешто добро, по нешто убаво, лето кое никогаш не се заборава … “Ова лето ќе се памти” им ја подарувам на сите оние кои имале, имаат и ќе имаат убаво и незаборавно лето. Веќе подолго време оваа нумера се вртеше по радиостаниците низ цела Македонија. Очекувам и се надевам дека целиот овој пакет ќе им се допадне на сите оние кои ја почитуваат и слушаат мојата музика – вели Лозано.

Песната пред неколку дена го доби и својот видеозапис кој го изработи Бојан Тасетовиќ и неговиот тим од „Веста продукција“ од Битола.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.