Заевиот медиумски клан го пеглаат „заедничкиот“ Илинден со Бугарија

Бурата од јавно незадоволство од вестите од Софија за отстапката на Заев на Илинден и со тоа на македонската револуционерна борба на Бугарите веднаш тргнаа да ја „пеглаат“ медиумите од заевиот клан. Така во пренесувањето на обраќањето на Заев се испушта каде тој вели „заедничка историја“ па се пренесува како најава дека „Премиерот Борисов ќе ја посети Македонија и ќе се поклони пред споменикот на нашата историја“.

Всушност и видеото од прес конференцијата (на 2:14) ја докажува истакнатата „заедничка историја“, тоа што бугарските агенции со задоволство го нагласуваат како прифаќањето на бугарските негирања на македонската национална посебност и историја се до 1944 година.

По изјавата на Заев во Софија дека „Македонија го затвора поглавието на национализмот и отвора ново поглавје на европска иднина“ во Софија, а во обидот ова предавање на македонската историја како дел од македонската идентитетска посебност да се прикаже во позитивно светло, се оди до таму што во истите анализи се посочува дека Македонија „ долги години“ водела дволична политика, со изјави за добрососедски односи, а од друга страна се „првоцирало“ на пример „со споменикот на Цар Самоил, историска фигура која и кај нас и во Бугарија се смета за еден од најголемите цареви во историјата“ притоа потврдувајќи го ставот на Бугарија дека „ова е обид за ‘македонизација’ на бугарската историја“.

Во налет на правдање на чекорот веднаш се втурна и Бранко Героски, кој веројатно повторно по диктат на Фрчкоски исто како „хоризонталната“ двојазичност, „бравурозно“ го дочека говорот за заедничка прослава на Илинден.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.