Раул Гонзалес ја исполни својата мисија – дојде во Вардар и за неполни четири сезони го искачи македонскиот првак на врвот на Европа. И по најголемиот успех во својата кариера, Шпанецот остана скромен за најзаслужни за овој историски викенд посочувајќи ги своите ракометари.
– Честитки до ПСЖ, на играчите и на тренерот за одличните игри сезонава. Секако дека сум горд на мојот тим, на овој огромен успех, моите играчи се најдобри во светот. Сакам да им се заблагодарам на сите ракометари, на управата, на сите во Македонија за поддршката што ни ја даваа цело време. Не би сакал да говорам премногу за натпреварот, сите видовте што се случи. Му ја посветувам оваа победа на своето семејство и на својот најдобар пријател Хота Гонзалез – истакна Раул Гонзалес на прес-конференцијата по натпреварот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
