Манасков и Талески пред титула во Бундес лигата

Екипата на Рајн Некар Левен е пред одбрана на шампионската круна во Германија затоа што во големото дерби во рамки на 31. коло од Бундеслигата со 23-21 (13-11) славеше над Флензбург.

„Лавовите“ до победата дојдоа во финишот, во драматичен меч. Во последните пет минути Рајн Некар влезе со минимална предност (22-21), а откако Мае не погоди за изедначување, на спротивната страна Енди Шмид со гол донесе победа од два гола (23-21).

Најдобри кај РНЛ беа Петерсон и Шмид со по пет гола, додека кај Флензбург, Мае постигна четири гола. Македонските репрезентативци Филип Талески и Дејан Манасков не добија минутажа на овој меч.

Рајн Некар на три кола пред крајот има 57 бода, три повеќе од второпласираниот Флензбург.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.