Храброст или лудост: Мелиса скокна на хaуба за да спаси кражба на својот автомобил (Видео)

Жена стана вистински хит на социјалните мрежи откако спречи крадец да ѝ го украде автомобилот на бензинска станица.

Во видеото, додека Мелиса Смит го полни резервоарот со гориво, крадец успева да влезе во нејзиното возило. Кога тој ќе започне да вози, таа се качува на хаубата и не се откажува додека не го избрка крадецот.

Снимката од безбедносните камери беше објавена од CNN и брзо се рашири на социјалните мрежи, а коментарите за постапката на Мелиса се различни. Некои ја пофалија за храброста, додека други се категорични дека возилото не вреди колку нејзиниот живот, бидејќи имало голем ризик таа да биде убиена.

По инцидентот, Мелиса изјавила дека не жали за својата реакција. „Ме гледаше и ми се смееше, што многу ме изнервира. Ми се смееше додека јас бев над возилото и се обидуваше да ме исфрли од автомобилот, па затоа воопшто не се каам“ – рекла таа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.