Вест Хем ќе му помогне на херојот од Манчестер кој им помагаше на жртвите во терористичкиот напад

На Манчестер во понеделникот му се случи голема трагедија кога на концертот на популарната Аријана Гранде, одекна експлозија која однесе 22 животи. По стравичниот настан, од сите страни стигнува помош за жртвите и за нивните семејства. Во целата акција се вклучија и двајца играчи на Манчестер сити. Помош стигна и од управата на Вест Хем.

Од Вест Хем се подготвени да му помогнат на човекот кој стана херој на Манчестер по бомбашкиот напад. Станува збор за 35-годишен бездомник по име Стивен Џоунс кој им помагаше на жртвите на нападот пред да стигнат службите на брза помош.

Џоунс спиел во близина на арената во која се одржуваше концертот, експлозијата го разбудила и добро го раздрмала, но тоа не го спречило веднаш да потрча кон арената и да им помогне на повредените.

Неколку дена по настанот, сопствениците на Вест Хем јунајтед, Џон и Дејв Саливен решиле преку социјалните мрежи да го пронајдат Џоунс и да го наградат за неговата пожртвуваност и храброст. Тие се решени да му изнајмат куќа, да му купат облека и да му помогнат да најде работа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.