Капитенот на Арсенал, Лорен Кошчиелни, дефинитивно ќе го пропушти финалето на ФА купот на Англија против Челси, кое ќе се одигра в сабота на „Вембли“ поради црвениот картон што го заработи на мечот против Евертон во последното коло од Премиер – лигата. Раководството на „топчиите“ упати жалба на одлуката на Дисциплинската комисија Кошиелни да добие суспензија од три натпревари, но истата е одбиена, па дефанзивецот на Арсенал нема да биде дел од финалниот меч, а ќе мора да паузира и на стартот од идниот шампионат на Англија.
Кошчиелни заработи црвен картон поради груб старт над Енер Валенсија во триумфот на Арсенал против Евертон од 3-1. Сепак, овој триумф не беше доволен за тимот на Арсен Венгер да обезбеди пласман во квалификациите за ЛШ следната сезона.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
