Се слави во Ријека, Ристовски и Жута се шампиони на Хрватска (видео)

По подолг временски период односно по цели 11 години од тронот е симнат неприкосновениот шампион на Хрватска, Динамо Загреб. Тоа го стори екипата на Ријека која пред своите симпатизери успеа да слави убедлива победа од 4-0 над Цибалија и на коло пред крајот има недостижна предност од пет бода.

Тимот на македонските репрезентативци Стефан Ристовски и Леонард Жута сосема заслужено сезонава стигна до круната за која сонуваше целиот град.

Вистинска фешта се случуваше денеска на Јадранот каде популарната „Армада“ славеше и на самиот стадион, во неговата околина но и насекаде ширум градот.

Официјално, фудбалерите на Ријека трофејот ќе го добијат на 27. мај во последното коло на „Максимир“ по дуелот со Динамо Загреб.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.