СДС најави дека денеска до парламентот ќе ги достават предлог-измените на законите за основно и за средно образование со кои ќе се укине екстерното тестирање.
– Очекуваме по скратена постапка да се донесат законските измени и уште од оваа година да се укине екстерното тестирање за учениците од основното и од средното образование. Ветивме дека меѓу првите наши приоритети ќе биде укинувањето на штетниот таканаречен проект екстерното тестирање, што предизвика трауми кај учениците, стресови кај родителите, казни за наставниците – изјави пратеникот Стефан Богоев.
Тој ги повикува сите политички партии да го поддржат овој предлог во интерес на учениците, наставниците, родителите и граѓаните.
Државниот испитен центар веќе на 15 мај ги објави прашњата за екстерното теситрање за оваа година. Распоредите за тестирање по денови треба да бидат објавени на 29 мај, а по кој предмет ќе полагаат учениците ќе знаат три дена пред тестирањето. Екстерното од оваа година се полага од шесто одделение.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
