Нов голем инцидент фрли црна дамка на грчкиот фудбал, тренерот на ПАОК погоден со лименка пиво (видео)

Голема црна дамка врз грчкиот фудбал фрли новиот инцидент што се случи на натпреварот од плеј-офот на грчката Суперлига помеѓу Панатинаикос и ПАОК во Атина. Имено, тренерот на гостите од Солун, Србинот Владимир Ивиќ беше погоден со лименка од пиво во главата среде натпревар. Ивиќ веднаш беше пренесен во болница, а натпреварот прекинат под итна постапка.

Ден подоцна Ивиќ и натаму е во болница, а на грчкиот фудбал му се закануваат нови казни, можеби и изолација. Натпреварот е прекинат во 54. минута при водство на „детелинките“ од Атина со 1-0.

Пред неполн месец во Волос, големи инциденти се случија во финалето на Купот на Грција меѓу ПАОК и АЕК.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.