Татко и ќерка влегоа во Гинис со најголеми јазици (Видео)

Гинисовата книга на рекорди е преполна со фасцинантни, но и бизарни, па дури и морбидни, достигнувања на поедници.

Меѓу нив е и признанието за Гинисов рекорд за најшироки јазици во светот, чии „лауреати“ се татко и ќерка.

Станува знор за Бајрон Шленкер и неговата ќерка Емили, кои имаат единствен ген, како последица на што имаат натпросечно широци јазици, со што си обезбедија место во најпознатата книга на рекорди.

Претставниците на Гинис официјално потврдија дека јазикот на Бајрон е широк дури 8,5 сантиметри, додека Емили може да се пофали со пречник од 7,3 сантиметри.

– Луѓето ме прашуваат што можам со толкав јазик. На пример, можам да лижам сладолед побрзо од вас, вели насмеано 32-годишниот Бајрон.

Тој додава дека од секогаш знаел оти има неверојатно широк јазик, но одлучил да се пријави за Гинис откако видел фотографија на еден Австралиец кој своевремено го држел тој рекорд.

Емили признава дека тоа што имаат најшироки јазици во светот, уште повеќе ја зближило со татко и.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.