Курц избран за лидер на Австриската народна партија

Раководството на Австриската народна партија (ОВП), помалиот партнер во коалциската Влада во Виена, синоќа го избра министерот за надворешни работи Себастијан Курц за нов партиски лидер.

Се смета дека 30-годишниот Курц е најдобрата шанса партијата да го зголеми рејтингот и да ја надмине екстремнодесната Австриска партија на слободата (ФПО), која води во анкетите, а по неа се социјалдемократите на канцеларот Кристијан Керн.

Курц на вчерашната прес-конференција изјави дека неговата партија сака предвремени избори во септември.

Новиот лидер на ОВП изјави дека денеска ќе се сретне со претседателот на државата и со канцеларот и лидер на социјалдеморатите за да разговараат за датумот на изборите.

Курц застана на чело на партијата, откако вицеканцеларот и нејзин претходен лидер Рајнхолд Митерленер поднесе оставка и од двете функции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.