„Старата дама“ тргнува по трофејот во Лигата на шампионите откако се пласираше во финалето (видео)

Екипата на Јувентус е првиот финалист оваа сезона во Лигата на шампионите откако во полуфиналниот двомеч со Монако славеше со вкупен резултат од 4-1.

По победата во првиот меч во Монако од 2-0, реваншот во Торино се чинеше дека само формалност, но тоа избраниците на Масимилијано Алегри го потврдија со одлична игра на „Јувентус арена“ и славеа нова победа од 2-1.

Се беше решено уште во првото полувреме кога Марио Манџукиќ и Дани Алвес беа стрелци за „старата дама“. Единствениот погодок за Монако беше дело на младиот вундеркинд Килијан Мбапе кој успеа по цели 690 минути без примен гол да го совлада легендарниот Џиџи Буфон.

Почетната иницијатива на мечот ја имаат гостите од кнежевството, но сигурната одбрана на италијанскиот шампион не дозволи рано водство Фалкао, Мбале и другарите. Како одминуваше првиот дел, фудбалерите на „старата дама“ ја преземаа иницијативата и преку Игуан во 23. минута ја имаа првата шанса, за да само три минути подоцна Манџукиќ прекрасно биеше, но Субашиќ не дозволи негатива на својот тим.

Конечно подобрата игра на Италијаните вроди со плод во 33. минута, Манџукиќ биеше со глава, во првиот момент неговиот сонародник одбрани, но одбиената топка повторно се врати до Манџукиќ и донесе водство од 1-0. Пред крајот на одморот Дани Алвес со прекрасен волеј удар го совлада чуварот на Монако и донесе високи 2-0 за Јувентус на одморот.

По паузата со оглед дека натпреварот беше одлучен, фудбалерите на Јувентус главно се обидуваа да го контролираат резултатот, за разлика од Монако кој посакуваше барем почесен погодок. Во 69. минута Мбапе ја искористи асистенцијата од Мутињо и конечно го совлада Буфон, по точно 690 минути.

Вториот полуфинален реванш натпревар помеѓу Атлетико Мадрид и Реал Мадрид се игра утре на „Висенте калдерон“, каде фудбалерите на Реал Мадрид ќе се обидат да ја сочуваат високата предност од 3-0 и да обезбедат финале во Кардиф.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.