Дани, конечно, се врати: Пеам за едни подзаборавени суштински вредности (ВИДЕО)

Новиот сингл на Дани Димитровска, насловен „Нема две“, од вчера е во македонскиот етер. Песната е дело на Весна Малинова Бабамова (музика и текст) и Кирил Бабамов (аранжман и продуцент), снимена е во XL Студио/Дејан Момировски.

За видеото се користени сцени од првиот колор филм за Скопје, „Градот на Вардар”, снимен 1962 година во режија на големиот македонски филмски уметник Бранко Гапо.

– За што пеам? За едни подзаборавени суштински вредности. За љубовта, за луѓето, за градот, за срцето. За нас. За еднина. За целина. Скопјево, ова моево, љубов ми е. Прва. – вели Дани.

Оваа песна се наоѓа на најновиот албум на Дани, за кој сме во исчекување. До тогаш, ја имаме „Нема две“… За будење, за еднување..

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.