Луд меч во Амстердам: Ајакс со капитална предност ќе патува на реваншот во Лион (видео)

Во првиот натпревар од полуфиналето на Лига на Европа меѓу Ајакс и Лион, домашната екипа на „Јохан Кројф“ создаде огромна предност од 4-1 и речиси со едната нога се пласира во големото финале.

Ајакс обезбеди убедлива предност против Лион, совладувајќи го францускиот тим со 4-1, во првиот полуфинален натпревар од Лигата на Европа. Бертранд Траоре го отвори резултатот во 25.минута, а девет минути подоцна Каспер Долберг зголеми на 2-0.

Јунес на почетокот на вториот дел постигна трет гол за Ајакс, а Лион намали преку Матие Валбуена во 66.минута. Серијата голови ја затвори повторно Бертранд Траоре, кој во 71.минута зголеми на 4-1, што на крајот се покажа и како конечен резултат на овој дуел.

Утре се игра второто полуфинале во Лигата на Европа, Селта во Виго ќе го пречека Манчестер јунајтед.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.